Target & Requirement

TARGET 做sales 最大困難係每個月都要meet 到target , 交唔到數, 蝕底薪扣bonus , 俾老細鏟之餘仲要俾同事白眼, 一沉百踩, 食幾多救心太太都補唔番。曾先生一日係lonely salesman, 一世都係, 除非佢唔做呢行。唔做邊個做, 仲有人可擔此大任咩, 「任重而道遠!」 果然係溫總, 出到論語, 曾生都係四字形容詞。 咦, 講開meet target, 今日同fd 傾開, 人生幾大target, 我地又meet 到幾多。大學開始拍拖, 入大公司做, 跳槽過大塘, 年年升級, 讀master, 畢業, 供樓, 結婚(都仲係大學果個), 生仔, 搵小學, 升中, 個仔大學畢業, 可以拿MPF....... 好似玩野外定向check piont , 在有限既時間拿夠分數, 走人。ursh ~~ 倒抽一口維珍利亞, at the end 咪就係我同小肥o向銀龍坐到天光都傾唔完既結論 - 「我(們) 都是普通不正常女生。」所以meet target, 對於我(們)已經唔再係一回事, 因為老早就偏離航道, 飛左唔知邊個星球, 可惜遇唔見小王子, 卻遇見洗濮隊長、異型、巴魯旦星人及幾隻火星野。直至, 某日在某行星"慣" 低然後回顧一生...... ursh 又倒抽一口維珍利亞, 人生不過如此, 開心唔開心先, here & now, 都未埋單, 我未答到太陽臣日報記者既提問。 唔好話我唔臭米氣, 米氣, 即是飯氣, 飯氣供心, 我要人氣, 人見人愛, 於願足矣! 係o羅, 我(們)咪又係人一個, 努力搵錢, 然後玩樂, 只係比例上超標, 但一樣可以同MTP (meet target 既人) 活於同一天空下, 高唱國歌, 無問題。問題係取捨之嘛, 食得咸魚抵得渴, 我終於都明白呢句說話既深層意思。 REQUIRMENT 朋友想轉工, 於是就問下身邊既人 : 你公司係咪請人? 係。 夜晚好夜無得收工 成日俾人鬧 假又無得放無補錢, 無補假 出左trip, if早機返, 要即刻返公司24小時on call 做o岩野無人appreciate你, 一做錯就死得o勒 媾唔到仔 人工好低 完全唔合比例做底下階層工作, 斟茶遞水買M巾 提早更年期, 肥汁醇過高, 30歲人有50歲樣 最好中午唔好出街食飯, 留響公司邊做邊食, 叫外賣囉 但係外賣係自己俾錢喎 仲要晚晚發惡夢, 心理唔平衡, 同愛侶吵咀... 胃下垂, 腦便秘, 膊頭勁痛, 肌肉發炎 拿拿拿, 做得耐咪會有埋妄想症囉 係會自己整爛個鋁窗飛落街 會支持東隧加價 會發動恐怖襲擊 爭取婦解 反對無煙城 總之咩衰野都係因為我地做左呢份工而起 拉登之前就係做左呢行8年, 撒旦姆做左7年 妳朋友仲做唔做架? p.s 以上係一份工並唔係幾份工夾埋既requirement。 語塞。sorry, 有事走先。 打份工, 條件駛唔駛開到甘辣。 係喎! 一份類似既工, 有個姓董既都做左7年零3個月 自已「整爛個鋁窗飛落街」? 果然係世事無其不有, 999 誰是兕手。 我終於知道兕手是誰, 報警拉佢。 pps : 以上對話, 無gag 成份, 全部係真情對白, 提起都仲傷心果隻。

兩首歌

總會無原由啍起平時不會背誦的歌，妙在很多時都反映及閱讀到當時的自已。 前天想起 ~~~ 「曾獨醉 病消瘦 」 「一心把思緒拋卻以虛如真 深院內舊夢復浮沉 」 「絲絲點點計算 偏偏相差太遠 兜兜轉轉化作段段塵緣」 「真真假假 悉悲歡恩怨原是詐」 今天不斷啍起 ，我一直以為是「邊走邊唱」 ~~ 「我今歌歌多呵 你家裡老幼怎麼 你工作報告幾個 你心裡世界沒變幾多」 「誰人悠悠在吐著預料內那些歌 誰人喃喃自語 沒話再寫」 回家找 cd 聽了幾遍 , 才止住思緒。還是喜歡原裝的達明，不加任何混音，任何人聲，一板一眼的電子音樂。明哥那時還未變聲, 聲音嬌滴滴。 晚上又下起狠狠的雨, 已經習慣雨聲準時響起，作背景音樂。 重覆這兩首歌之餘，把其他都拿來聽，達明的聲音跟雨聲原來是很接近, 尤其是「禁色」。

席勒 egon schiele

尋找東西的過程有時就是如此奇妙, 難以解釋。 曾經藏有一本以一幅女人油畫做封面的書, 很喜歡那幅畫, 一直都捨不得扔那本書, 可是, 沒辦法查到作家是誰, 慢慢就把事情掉淡。 上回逛台灣誠品, 遠遠就被一本以一幅男性抽像畫做封面的畫冊吸引著, 畫風很熟悉, 打開, 呆了, 揭著那一頁正正就是那幅我尋找已久的畫，畫作叫 "artist's wife "，感覺很奇妙。看到作家的相片, 更是被他那副恃才傲物格, 尖酸而帶傲氣的容貌所吸引。他善於繪畫裸體人像, 有時只簡單把對象的輪廓及肌肉以線條勾畫出就成一作品, 線條充滿力度及勁度。作品多是目無表情, 眼神呆滯卻滿是憂郁及期盼的瘦骨嶙峋男男女女, 他亦喜歡繪自畫像, 看來是個自戀的畫家。 席勒 egon schiele (1890-1918) 瘋狂的藝術家多是 good die young, 只28歲就離開人世。 (修改1.1)

視線。隨著你的身影。消失在地平線上。掙脫夕陽的困牢。衝進雨霧之中。驚覺。在我的淚痕上。 只剩你別離的背身影。 text/photo by iris

一個人在發神經

整日訴說自已如何幸福, 到底有沒有心虛。每一天都活得快樂, 了無牽掛心無罣礙, 太夢幻了, 簡直是七件不可思議事之一。 我們最清楚, 有些傷口被揭開之後會落得什麼下場, 無意之間撥動了憂傷神經, 會一發不可收拾, 於是動輒慣性把情感掩埋, 無非是老生常談- 讓時間沖淡, 又或是提起只惹得落莫, 不提也罷, 當小事一宗。我的憂傷不必由任何人來承擔, 一直覺得我來是為你帶給歡樂, 如果我不能, 我走好了。這是我主觀的願望, 偉大到希望可以做到, 多半圖添壓力, 咎由自取。 日記背後, 是更懂得憂傷, 更懂得自製快樂, 還是什麼, 沒有必要啦! 沒有必要由別人考究。誠實 - 我只可以盡量不掩飾而誠實面對自已的文字, 又不是想當作家, 這些說話又買不到錢, 根本沒有編作必要, 寫是種發洩, 當紀錄行為。 知道有人將別的網絡日誌剽竊來, 當成自已的真實生活紀錄, 一字不漏照抄, 更感不可思議。電影做完會出現一句 :「如有雷同, 實屬巧合」, 十足十免責條款, 但這不如雷同, 是搬字過紙, 怪可憐, 可憐在於無法面對真正的自已, 於是選擇偷/剽竊。 剽竊者, 斤兩不足, 我問你日後點算, 打算一世都動用別人身分? 把自已建構成一個令人有瑕想而又讓人同情的「作家」嗎? you are what you are, 終有一日被人篤爆, 被恥笑。 「愛情、時間、身分總是要偷回來才覺過癮。」「如果背叛是平衡線的一個錯落點 ; 偷就是慾望的興奮劑。」是許多年前我給「青春」寫下的。 寫的時候, 沒太大感覺, 只想回應黃導, 到現在感覺才溜了丁點出來。 小扔說 : 「偷很不實在不踏實, 為何要虧待自已。」 無錯, 何不善待自已, 打從 dayone 學習"愛情"開始, 我們就一直糟蹋自已及別人, 那條平衡線每況愈下, 世界事不一定come to wrost, 大抵還可以回復基本吧 ! 豁出去坦坦白白犯不著再偷; 愛情和身分亦然, 時間則永遠都不夠用。 總的一句, 未到最後那天, 不用太快計算埋單走人, 努力享受落去, 好男好女。 ~~~~~~~~~~~~~~~~~~ 這半年, 聽回來已發生的故仔太多, 不寫下來就會滿潟, 係o羅, 某生理現象甘。7月開波寫字, 什麼寫在仲夏腰你一腰愛情劇??? oh, sorry, 有人話想要一個灰爆既都市愛情倫理大大大悲劇。點解, 做咩愛情總係要灰喎! 個天仲唔夠灰咩! 真係想落雨落到曾突手下台果日?

遊園

我說要吸一口維珍利亞, 你遞上一支萬寶路, 潮了, 我掟回給你。 你說了幾聲, 「不好意思, 謝謝, 不好意思」, 我笑, 笑你戇直。 你說不如播首歌給我聽, 問我想聽什麼, 我想聽「愛很簡單」, 不過嫌娘, 沒有說出口, 你說不如聽 ....... 我說好, 我同時想起這首歌。 問你什麼時候會播, 你沉默, 粒聲唔出就溜之大吉。 「喂, 幾時播, 喂 .......」 未完架喎, 有手尾做埋場戲好喎! 頂, 發夢。

飄移 i/o 遊走

劇場人的resume, 最鍾意加上「遊走」呢兩個字。 不如甘, 由而家開始叫飄移, 型好多。 「飄移於劇場, 音樂, 文字。」兜個靚彎我又將出現在劇場那邊。

世上最苦既茶

喝過世上最苦既苦茶之後, 我服了, 失戀咪再去劈酒, 去劈苦茶, 包你劈完之後就明白酒入愁腸係解決唔到情愁(仇), 整唔喊你既。 劈碗苦茶, 包你即時喊得出, baba 聲。 又咳過, 仲要嚴重過之前, 乖乖地睇中醫, 飲苦茶 .... 從未嚐過既一種苦味, o的苦味由月利尖, 月利中, 月利底擴散, 慢慢流入喉嚨, 果隻質地並唔係流質, 杰撻撻, 苦澀味連咀唇都麻痺左 。 飲緊藥既時候, 電視做緊「黑森林」, 見到胡杏兒吃了一口什麼honey muffin 之類, 然後睜大雙眼, 個樣霎時小雲左, 滿有啟示"叮"一聲, 頭側側 45度角望上天, 然後話 : 「千其唔好俾自已後悔」, 轉身走仲要做個yes 的打氣手勢。 當堂藥都噴番出o黎。胡杏兒妳o黎?景定贈慶。 我講過, 唔會再病, 唔要再飲果劑世上最苦既茶。頂, 仲要飲成個星期。

文字遊戲。

他不再口硬, 你不只懂得為自已改變, 只是他一直都不出現, 妳不想再為自已辯護, 這實在是一件很費力的事。放過自已吧! 你從來都沒有體恤自已和她愛的我, 好處都歸於別人, 他跟著妳定很難受。原諒她, 你不太懂得把情感釋放, 他以為以你我的聰穎, 他們可以更明白對方, 原來妳一直一個人在唱歌。在你你我我他與她各式名詞未弄清之前, 我們還是不好去稱呼對方。 撇除開去, 把你我他她他他你我倒裝竟會混淆思路。如果連標點都吃掉, 只落句號。每一句都變成獨立, 成為沒有意思的句子。又會是伸延的作句遊戲, 都ok好玩丫! 有否覺得自已患有閱讀障礙外症?

嘔唔出

下水禮過後，果然周身骨痛。 午後，這裡只有我一人。 窺看別人的私生活。 聽著97年的「我的快樂時代」。 在床上展展轉轉。 有時看天，有時看鐘。 「時間夠了，時針偏偏出了錯」 我到現在一個字都嘔唔出來。 好女子第十期 「滋補養生」。 哎 ...... 終於都嘔出來了，這個題目對於一個不懂什麼是 養生的女子，很難噫 ~~

出海

今年第一次下水。 終於夠膽跟出海玩 wakebaord，失敗而回，未準備起板已經喊停。搞咩 ! 驚魂甫定，唔憤氣，拿著水泡衝下海，被人拖拖拉拉游了半小時。 天氣出奇好，吹吹風，感覺到自已狀態回勇。 不知怎的，不住想起 eason 的「綿綿」。 海風吹來，很怡人，就是想睡。 認識到新朋友，玩了一整天，拋低煩惱，過一個像樣的週末， 甘先似樣架嘛。

秘密

在「張震嶽馬拉桑演唱會」中終於聽到「秘密」, 調子沒變, 阿嶽的聲音也沒有變。 我以為我會悸動 , 可是 , 怎也連繫不到第 x 場 1"06 minutes 的情境, 斷片一樣, 連你的樣子也差點想不起。癡癡纏纏徘徊在結他獨奏聲音的日子, 有多少次我躲在那裡就只管看著你。從此大家就認定會為此而活, 直至天崩地裂文明完了那個晚上。 當不再是秘密的時候, 被拉回來現實的都變回人類, 繼續你我的遊牧生活。 那一句, 我常啍起的1"06 minutes , 其實你又明白多少。 「現在過得好嗎? 好。我就放心了。」

714

柒壹肆張支持票，零對手，一人獨大，我們有個新的特首, 佢識講好多四字形容詞。 雨一直下, 似乎不想停。 8年前差不多時間都好似下過一場如此的長命雨, 唔係呀化, 又o黎過? 啋 ~~ 呢個 salesman 講野爽好多, 辣好多, 未來兩年我地有運行喇卦 ! the end of 建華7年零8個月。

at seven twins

預左睇 twins 的得得意意跳跳扎賣靚，預左睇 at 17 賣唱功。咦 ! 原來 4 個+埋都唔夠90歲的女子組合 at 17 X twins live concert Crossover 係可以好好睇，個半鐘 performance 夠精彩拍晒手掌, 二汶 ellen 唱得好投入, 把聲好靚 , 「唔認識首歌就合埋雙眼聽 」果然聽得出什麼叫感動。 2隊 combination形象同客路風馬牛不相及，不過不竟都係 20出頭既女生，「三分鐘後、風箏與風、女校男生、女扮男生」，風格不一但內容一致，唱的都是少女情懷總是 ......... 拉闊一貫高潮位都係放o向最後果 part , 全場觀眾企起身 un (咪係, 聽 concert 應該係企起身唔係翹埋雙手翹埋腳全場坐定定) , 天生一對、忘情森巴舞、流星雨、心急人上、廣播道fans 殺人事件 , 4個女生蠻勁, 上到台自信心爆棚, 那種「個台係我既」的自信心直射到山頂位, 呢種就係壓台感。 at seven twins

---

如果戀愛可以令你/妳肥，我情願你/妳肥落去。 瘦這些K 型美學留給我吧 !

天性

那邊的他, 失戀初癒, 前晚昨晚嘩啦嘩啦瘋狂工作一番然後繼續醉生夢死生活。好歹是個聰明人, 明白活著真好的道理。他說朋友都把他縱壞, 我們就是知, 聰明人會自尋出路, 我們如何縱, 你都不會行歪, 還會做些出人意表令人心悅的事 (希望係啦!), 放心過縱一個好人/壞人。 「好人壞人都不要做, 要做個叻人, 聰明人」爸以前講過。 呢個時勢最緊要識走位, 被人傷過, 萬箭穿心也好, 被人出賣, 赤裸人前也好, 別個頭, 就明白什麼是一理通百理明, 只要捉得住 rhythm, 好快就曉得彈一首好歌, 縱使你當初連豆豉都看不懂, 邊學邊做, 有誰不是丫, 呵 ~~ 我 ? 頂多只有小聰明, 別人眉頭眼額自小學懂, 相士早說我本身欠溫柔, 係, 至少我還知情識趣, 要去到發爛的餘地=大家都無彎轉, 歇斯底里我試過, 見過那一面的自已, 果然是討人厭刻人憎到極, 毫不可愛, 會重蹈覆徹嗎? 天曉得洪水來臨時, 你會抓住什麼去自救? 始終要到發生的一刻才顯出人性。 明白了, 不代表懂得處理, 噫 ~~ 我悟性還未夠啦! 未夠班啊 !

想要什麼

「玩夠沒有, 收心養性好未? 」 最近我老是這樣想, 究竟我玩夠未? 「玩」只是一種presentation, 玩樂意味居多, 說清楚無非是心還很野, 仍然不清楚自已想要什麼。 朋友都停不了的進修, 停不了的計劃未來, 停不了的認認真真想法子為自已建立一些什麼 。我就想, 究竟我要麼養一隻貓, 要麼聽聽誰的live gig , 要麼跟誰吃個飯, 要麼躲到這裡那裡, 要麼先去旅行再轉過份新工, 我要麼腳踏實地幹一番事業。人家躊躇滿志切實地想, 我就依然故我, 想做什麼就做什麼, 我的隨心過於坦白還是過份天真? 有陣子我竟然想投考紀律部隊(學警雄心?!haha) , 讓自己有一點紀律, 不再散漫。笑一笑, 也不過是個沒路標的想法。 大家都有過一陣妄想, 放你出去, 玩個飽, 到時你仍會回來, 我們就可修成正果。試問有幾多對partner可以這樣豁達? 理想化的事情在day one 都是最基本的要求, 可是「自由」, 一向都是物以罕為貴架啦。(這些想法可以代入任何處境, 任君選擇。)

慢走

把mp3的舊歌洗掉，重新install過一批新的，內裡再沒有一首是和誰的主題曲。我還送了它一條新的 headphone，很好音質。 聽著歌在東區走廊飛馳，好風好水，天氣好到不得之了，維多利亞難得清(醒)澈。 提早一個站下車，走過天橋，刻意拖慢腳步，聽埋首歌我才捨得回去，重覆了3次，結果遲到10分鐘，被罰10蚊。$10 可以買下一種愉快，值得花，我還花得起。 推介大碟 : Eason Chan U87 咳嗽沒有止，用力咳像練腹肌運動，不可以過度用力說話甚至透氣，我應該會一日fit過一日。總是這樣，當我想運動下就會病，果然是貴人，唔捱得架。又是出動去尋找隱世神醫的時候了。

一切還好

我信絕處逢生, 跌到最低底然後博谷底反彈。我仲會信。 頭重得可以壓得死人似的, 整天混混沌沌, 藥物反應大過真正的病。醫生落重藥務求想我靜下來好好休息, 請了病假, 我得乖乖就範, 鬼叫有人扮瀟灑落雨唔帶遮。 還想回灣仔上堂 hiphop, 但連滾下床的力氣都無, 我知我個心仍然很野。一頭埋在被窩, 睡睡醒醒, 醒來出外走走, 回家online , 吃飽晚飯, 分段看了加埋有半小時的電視劇集, 執房摺衫把聽完的cd 一隻隻擺放好，又試吃藥。 每4小時服一次的吃藥時間表, 令生活變得很有規律, 我少有自律地關燈訓覺。 訓著, 睡醒, 再訓, 朦朧間, 也曾經想起誰和誰之間的二三事, 都已經不再關我事了; 我只想盡怏好起來, 比起上次的一病不起, 今次我的確係叻左好多好多。

一年兩度

一邊喘氣 , 一邊趕好女子的稿。 對, 我得了感冒然後離不起摵唔甩後遺症 - 氣喘發作。 每次病發要是看管不好, 都要捱兩個多月才會痊癒。 但事情總有兩面的, 意味呢兩個月我又會急跌磅嘍。 執好執壞?

我不懂

沒鬼用, 這麼大個人, 面對如此小事還不懂控制。 對於感情一事, 我學多三五七年都未必會懂, 但, 為什麼我要太懂得呢? 哭, 哭累了就睡, 心有時會無原由揪一下, 喉嚨涸涸的, 好, 這感覺會令人不敢再沉下去。 我無麻木。

雜記之我今天好靚女

blog 附屬的hello 有edit 及過相功能, 很好玩, 把相片edit 然後就可以直接link 到blog, 方便到極。有得玩就連文都懶寫, 好女懶女又一臉天堂一臉地嶽, 復版第一擊, 會唔會脫韁!? 早上先到ifc 工作, ifc tower 的大堂服務員姐姐，樣子愈來愈標緻, 男的就smart 醒。 恆基做市場ing 果真有一手, 整幢大廈都很young look, 夾晒style, 使到進出的人都神釆飛揚。 在shopping mall 兜了一圈, 廚窗換了新裝, 好靚, 貴, 好Q貴, 得努力賺錢嘍，物慾是叫人加倍努力， 而不是墜落啊。然後見到大隻仔 model Waterwong , 大隻, 唔靚, 好大隻 ; 快樂守則其中一則 : 盡量叫自已把外表不美的東西看成美麗。 回到公司, 在大堂lift 口遇到隔離公司的上海靚佬, 上海的湯圓男人出名有風度, 他認得我是鄰居, 按著lift門, 讓我先入先出, 然後報以一個「morning smile」, 怎麼來的好教養。 「門面功夫不可少 ~~~ 香港男生。 」 「門面野 ! 我地男人, 天地豪情, 唔慣整色整水!」 「至低限度, 不要自已一個箭步逕自衝去開門, 然後留下女生在門外, . 連鼻子都撞歪。」 「幢門甘重我邊有力頂」 「................... (留啖氣暖肚罷)」 香港男生, 總讓人喜歡喜歡憂, 個個都仲吃緊*媽咪麵。 * 媽咪麵是一款最受現今小學生歡迎的學校零食, 童星點心麵的A貨。 把麵餅弄碎, 乾o趙，填飽自已個肚就算。

一味講潮 / 一味回憶

記者訪問903 DJ 森美, 要他推介一款05潮物。他說 : 「而家後生仔, 只係一味講潮, 唔知咩叫型。o黎緊既潮流, 應該係多睇書, 儲多d 內涵, 唔好一味著晒d 潮物?身。」 在中大做客席 lector 的森美叫後生仔多看書 ; 少爺占就搵年青作家王貽興合作做了一個懷90's 舊的廣播劇「八王子」, 告別校園時、華dee、靈通天地線、街霸、荔園、初戀無限等90's icon 通通湧晒出來 ; 彭浩翔在電影AV 中加入一大段詹瑞文 FK 理論, 鬧爆一眾貪威識食的大學尖子, 片未加插一段火紅年代大學生為保衛釣魚台事件的註解 , 我覺得at the end都係太說教，唔夠乾淨俐落。 2千年, 7字頭的他們都大個仔, 進入kidult or man 的分水嶺, 結束一個階段另起新行。「只有回憶是美麗的」(八王子solgan) , 的確，大部份人都愛懷舊，因為年少時的回憶永遠都最美，尤其黃金的80/90's 。有人說20歲之後就可以開始搵集體回憶，為自已倒數，為自已儲備，為自已背上加鉛。得到得不到, 失去定留番低, 也罷, 最怕懷完舊無以為繼, 回憶有時令人過份沉重, 係時候掉抵佢, 學身經百戰的老媽話齋「做人向前望」。 前排我發現眼下出現第一條乾紋時, 我的確有喊的衝動。 無錯, 我要變成老人精了, 大家給我買個救命鐘陀在身吧! 我開始 faloso。 p.s 903新搞作 - MMV project, 由 mini 帶頭, 每位DJ 為歌星拍一段30秒的自家製 MV。 林海峰幾時都甘盞，係， 阿jan 係硬，阿葛係軟，你係咪都係屬於我果個年代架 ?

精神年齡

最近做精神年齡quiz, 13.............. 我的天竟然係13歲, 上年我還是24, 份quiz一定有問題。

寂寞冇罪

我又開始紀錄生活, 因為什麼? 因為我一向都患有失憶症, 人腦成日han機, ram 唔夠愈來愈難 install 。 回憶辛苦, 定還是紀錄辛苦呢? 如果發洩只是一種衝動, 平衡就是講求內心靈靜, 我發洩了卻得不到平靜, 只好繼續紀錄, 沒完沒了寫啊寫啊, 瘋了一樣, 像喝醉了酒, 打翻五味架, 把要吐的都吐出來, 天亮了, 得自已收拾殘局。一切問題都源自EQ 不夠高。 只有書寫才讓我集中精神, 想與不想中間是幢門, 我站在門檻, 等, 等, 等雨過天睛, 等有日我不需依靠而可以撐起來, 不怕寂寞, 然後就懂得重新思想。 有心人 - 張國榮 (曲 : 哥哥 / 詞 : 夕爺) 寂寞也揮發著餘香 原來情動正是這樣 曾忘掉這種遐想 這麼超乎我想像 但願我可以沒成長 完全憑直覺覓對像 模糊地迷戀你一場 就當風雨下潮漲 如果真的太好 如錯看了都好 不想證實有沒有過傾慕 是無力 或有心 像謎 像戲 誰又會 似我演得更好 從眉梢中感覺 到從眼角看不到 彷彿已是最直接的祼露 是無力 但有心 暗來 明往 誰說 這算是情愫

台灣男人

年初一意孤行出走台灣, 朋友沒話好說, 只係叮囑 :「見著在7仔買啤酒的台灣老男人要速逃, 係甘多。」凌晨二點在西門町的7仔俾我遇上, 仲係要三個。一個倚在凍櫃旁發呆, 一個買了盒大號木瓜奶, 一個買了包古力糖。究竟總係7仔怪事多, 定係台灣的老男人都是這樣怪, 他們比醉酒佬仲........... 詭異。 終於都把台灣行的相曬出了，沒有一張滿意。

用力

是日又連續兩堂Hiphop + bodycombat。 studio 的鏡子照得人特別瘦, 分明想我繼續自欺欺人。 大光燈下, 一塊麵包+兩框黑眼圈, 你們講得無錯 - 挺可怕。 sorry, 原來之前真係令身邊的人好擔心，我會努力整番靚自已, 似番個人。 Instructor : 「對準你個目標 fight 拳, 無力甘。」 S : 「我之前用力過渡丫嘛!」