一個人........ 小變

麥兜菠籮油王子有首o甘既歌 - 教我如何去小便 爸爸帶我去食叉飯食鹵味 爸爸帶我去"席爹席豬頭肉" 爸爸帶我去食次飯 然後帶我去食牛治仲叫了兩個蛋撻 爸爸帶我過大海食葡萄國雞 爸爸帶我遠赴香禺食乳鴿 爸爸與我看著海浪 與我一起對浪小便 爸爸突然對我話 ： 「佢話唔o係o甘 不過就 不過就 不過就會總o係o甘o個o的o野 過去就 經已沒有o個家o野 經已沒法不分開 你以後全部靠自己 一個人小便。」 爸爸帶我去食拉面食咖喱 爸爸帶我去食叉瀨食燉奶 爸爸帶我去小便 如何靠自己拉鏈 佢話：「唔願變成o甘 不過就 不過就 不過就會總o係o甘o個o的o野 過去就 經已沒有o個家o野喇!所以沒法不離開 以後全部靠自己 一個人小便」 爸爸帶我去帶我去食叉飯食鹵味 爸爸帶我去 "席爹席豬頭肉" 爸爸帶我去小便 仲教我要怎樣小便 如何咪滴溼笪地 我巴巴(我這樣叫的) 沒帶過我去對浪小便, 他的公民意識好強, 覺得小朋友不應該隨街小便, 無論幾多歲的小女孩都應該入女廁。 猶記得二三歲, 跟巴巴上酒家, 我「急」起來, 身邊沒有阿媽阿姨家姐等女性, 巴巴又唔慣求人, 於是"o的"我去女廁門口推我一下 : 「自已進去, 爸在外頭等你」。 三歲人仔, 面對一個半身高的馬桶不知所措之餘, 地下滑潺潺, 我呆了半天, 一直等.................好心阿姨「幫」一下。結果, 我當然順利解決, 之後......點都唔肯一個人跟巴巴出街, 直到「識」照顧自已為止。 到今刻, 原來我還是不懂照顧自已, 枉巴巴在我三歲時就想訓練我獨立, 今天有人對我說 : 「要生性啊!」這麼大個人還要人在外頭等嗎? 還要怕獨行嗎? 巴巴 : 我很令人失望吧! 你仍在外邊等我.............小「變」嗎?