一切還好

我信絕處逢生, 跌到最低底然後博谷底反彈。我仲會信。 頭重得可以壓得死人似的, 整天混混沌沌, 藥物反應大過真正的病。醫生落重藥務求想我靜下來好好休息, 請了病假, 我得乖乖就範, 鬼叫有人扮瀟灑落雨唔帶遮。 還想回灣仔上堂 hiphop, 但連滾下床的力氣都無, 我知我個心仍然很野。一頭埋在被窩, 睡睡醒醒, 醒來出外走走, 回家online , 吃飽晚飯, 分段看了加埋有半小時的電視劇集, 執房摺衫把聽完的cd 一隻隻擺放好，又試吃藥。 每4小時服一次的吃藥時間表, 令生活變得很有規律, 我少有自律地關燈訓覺。 訓著, 睡醒, 再訓, 朦朧間, 也曾經想起誰和誰之間的二三事, 都已經不再關我事了; 我只想盡怏好起來, 比起上次的一病不起, 今次我的確係叻左好多好多。